ᐃᑲᔪᖅᓱᐃᓂᖅ ᐃᓄᖕᓂᒃ ᓄᑕᖃᓂᒃ

ᐅᑉᓗᒥᒨᓕᖅᑐᖅᓯᒪᔪᑦ ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ-ᒧᑦ

• ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ-ᒥᑦ ᐊᐅᓛᖅᑎᑦᑎᓂᕐᒧᑦ ᑐᓴᒐᒃᓴᖅ

1. ᒋᔭᖓ ᐱᓕᕆᐊᖃᕐᓂᐅᑉ. ᐱᓕᕆᐊᖑᔪᑦ

ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ ᐃᑲᔪᖃᑦᑕᖅᑐᖅ ᐊᖏᔫᔪᒥᒃ ᐊᔾᔨᒌᒃᑯᑦ ᐱᖃᑦᑕᕐᓂᐊᕐᓗᑎᒃ ᐊᔾᔨᒌᙱᑦᑑᑎᓂᒃ ᐋᓐᓂᐊᖅᑐᓕᕆᓂᕐᒧᑦ, ᐃᓄᓕᕆᓂᕐᓄᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒧᑦ ᐊᑐᖅᑐᓄᑦ, ᐃᑲᔪᐃᔪᓄᑦ ᐊᒻᒪᓗ ᐱᔨᑦᑎᕋᐅᑎᓄᑦ ᐅᐸᓗᐊᔪᓂᒃ ᐊᔾᔨᐅᖏᑦᑑᔪᒧᑦ ᖃᓄᐃᖓᓂᕆᔭᖓᓄᑦ ᐊᒻᒪᓗ ᐱᔭᕆᐊᖃᖅᑕᖏᓐᓄᑦ ᐊᑐᓂᑦ ᐃᓄᐃᑦ ᓄᑕᖅᖃᓄᑦ.

ᐊᑐᓂ ᓄᑕᖅᖃᐃᑦ ᖃᓄᐃᖓᓂᕆᔭᖏᑦ ᐊᔾᔨᐅᖏᑦᑑᔪᑦ. ᖃᐅᔨᒋᐊᕐᕕᒋᓗᑕ ᐅᖃᐅᓯᕆᓂᐊᕐᓗᒋᑦ ᓱᓇᐃᑦ ᐃᑲᔪᖅᑕᐅᔪᖕᓇᕐᒪᖔᑕ ᐊᑐᕐᓗᒋᑦ ᓄᑕᕋᐅᑉ ᐱᔭᕆᐊᖃᖅᑕᖏᑦ.

ᐃᓚᖏᑦ ᐆᒃᑑᑎᐅᔪᑦ ᐊᔪᙱᑎᑕᐅᔪᖕᓇᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓚᐅᔪᖅ:

2. ᒋᔭᖓ ᐱᓕᕆᐊᖃᕐᓂᐅᑉ. ᑭᑐᑦ ᐊᔪᙱᓚᑦ

ᑕᒪᕐᒥᓗᒃᑖᖅ ᐃᓄᐃᑦ ᓄᑕᖅᖃᐃᑦ, ᓇᓂᑐᐃᓐᓇᖅ ᓄᓇᓕᖃᕋᓗᐊᖅᐸᑕ ᑲᓇᑕᒥᑦ, ᑐᒃᓯᕋᕈᖕᓇᖅᑐᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ-ᑎᒎᕐᓗᑎᒃ. ᐃᒪᓐᓇᐃᑦᑕᕆᐊᖃᖅᑐᑦ:

• ᐃᓕᑕᕆᔭᐅᓯᒪᓗᑎᒃ ᐃᓄᐃᑦ ᓄᓇᑖᖅᓯᒪᓂᕐᒧᑦ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ

ᐊᒻᒪᓗ

• ᐃᓐᓇᕈᐊᓂᖏᑦᑐᓄᑦ ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᖏᓐᓂᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᖏᓐᓂᑦ ᐊᖏᕐᕋᖃᕐᕕᒋᔭᖏᓐᓂᑦ

3. ᒋᔭᖓ ᐱᓕᕆᐊᖃᕐᓂᐅᑉ. ᑭᓇᒧᑦ ᖃᐅᔨᒋᐊᕆᐊᖃᖅᐸᑦ

ᖃᐅᔨᒋᐊᕐᕕᒋᓗᒍ ᐊᕕᒃᑐᖅᓯᒪᔪᒥᑦ ᐱᒋᐊᕐᕕᐅᕝᕕᒋᔭᐃᑦ ᐅᕝᕙᓘᓐᓃᑦ ᐅᖃᓗᒡᓗᑎᑦ ᑲᓇᑕᒥᑦ ᐅᖃᓗᒡᕕᐅᕝᕕᖕᒧᑦ ᐅᕗᖓ 1-855-572-4453, ᒪᓂᒪᔪᖅ 24 ᐃᑲᕐᕋᓄᑦ ᐅᑉᓗᕐᒥᑦ, 7 ᐅᑉᓗᓂ ᐱᓇᓱᐊᕈᓯᕐᒥᑦ

4. ᒋᔭᖓ ᐱᓕᕆᐊᖃᕐᓂᐅᑉ. ᑭᑐᑦ ᐊᐅᓪᓚᖅᑎᑦᑎᔪᖕᓇᖅᐸᑦ ᑐᒃᓯᕋᐅᑎᓂᒃ

ᑐᒃᓯᕋᐅᓯᐅᖅᑕᐅᔪᑦ ᑐᓂᔭᐅᔪᖕᓇᖅᑐᑦ ᐃᒪᓐᓇ:

• ᐊᖏᔪᖅᖄᓄᑦ ᐅᕝᕙᓘᓐᓃᑦ ᒥᐊᓂᖅᓯᔨᓄᑦ ᑲᒪᔪᓂᒃ ᐃᓄᒃ ᓄᑕᕋᕐᒥᑦ
  ᐅᕝᕙᓘᓐᓃᑦ
• ᐃᓄᒃ ᓄᑕᕋᖅ 16 ᐅᖓᑖᓄᑦ ᐅᑭᐅᓕᒃ
  ᐅᕝᕙᓘᓐᓃᑦ
• ᐱᔪᖕᓇᖅᑎᑕᐅᔪᖅ ᑭᒡᒐᖅᑐᐃᔪᖅ ᓄᑕᕋᕐᒧᑦ, ᐊᖏᔪᖅᖄᒧᑦ ᐅᕝᕙᓘᓐᓃᑦ ᒥᐊᓂᖅᓯᔨᒧᑦ (ᑎᑎᕋᖅᓯᒪᓗᒍ ᐅᕝᕙᓘᓐᓃᑦ ᐅᖃᐅᓯᕆᑉᓗᒍ ᐊᖏᖅᓯᒪᔪᒥᒃ ᑐᓂᓯᔭᕆᐊᖃᖅᑐᑦ ᐊᖏᔪᖅᖄᒥᙶᖅᑐᒥᑦ ᐅᕝᕙᓘᓐᓃᑦ ᒥᐊᓂᖅᓯᔨᒥᙶᖅᑐᒥᑦ)

ᑐᒃᓯᕋᐅᑕᐅᔪᖅ ᑲᑎᕐᒪᔪᓄᑦ ᓄᑕᖅᖃᓄᑦ ᐊᔾᔨᕐᓚᖏᓐᓂᒃ ᐱᔭᕆᐊᖃᖅᑐᓂᒃ ᐊᒥᓲᔪᓂᑦ ᖃᑕᙳᑎᖐᓂᑦ ᐅᕝᕙᓘᓐᓃᑦ ᒥᐊᓂᖅᓯᔨᓂᒃ ᑐᓂᔭᐅᔪᖕᓇᖅᑐᑦ ᐅᑯᓄᖓ:

• ᓄᓇᓕᒃ
• ᓄᓇᓕᖕᒥᑦ ᐊᐅᓚᑦᑎᔨ ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᐱᓕᕆᕝᕕᖕᒥᑦ
• ᐱᔨᑦᑎᕋᐅᑎᓄᑦ ᑐᑭᒧᐊᒃᑎᑦᑎᔨ, ᓇᒧᙵᐅᑎᑦᑎᔨ ᐅᕝᕙᓘᓐᓃᑦ ᐱᓕᕆᐊᖑᔪᒥᑦ ᐊᐅᓚᑦᑎᔨᒧᑦ

5. ᒋᔭᖓ ᐱᓕᕆᐊᖃᕐᓂᐅᑉ. ᖃᓄᖅ ᐊᐅᓪᓚᖅᑎᑦᑎᔭᕆᐊᖃᕐᓂᖅ ᑐᒃᓯᕋᐅᑎᒥᒃ

ᐱᒋᐊᕐᓂᐊᕐᓗᒍ ᑐᒃᓯᕋᐅᑏᑦ, ᖃᐅᔨᒋᐊᕐᕕᒋᓗᑕ. ᑕᒡᕙᐅᔪᒍᑦ ᐃᑲᔪᕐᓂᐊᕐᓗᑕ.

ᐃᓚᖏᓐᓂᒃ ᑐᑭᓯᐅᒪᔾᔪᑎᓂᒃ ᒪᓂᒪᓗᒋᑦ ᖃᐅᔨᒋᐊᕐᕕᒋᒍᑉᑕ ᐃᑲᔪᕈᖕᓇᕐᓂᐊᕋᑉᑎᒋᑦ ᑮᓇᐅᔭᖃᖅᑎᑕᐅᔪᒪᒍᕕᑦ ᐱᖁᑎᒧᑦ, ᐱᔨᑦᑎᕋᐅᑎᒧᑦ ᐅᕝᕙᓘᓐᓃᑦ ᐃᑲᔪᖅᑕᐅᓂᐊᕐᓗᑎᑦ.

ᑐᑭᓯᐅᒪᔾᔪᑏᑦ ᐃᓚᐅᔭᕆᐊᓖᑦ ᑐᒃᓯᕋᐅᓯᐅᖅᑕᖕᓄᑦ

1. ᓇᓗᓇᐃᖅᓯᒪᔪᖅ ᐊᔪᙱᓐᓇᕕᑦ

• ᖃᐅᔨᓐᓇᐅᑎ ᓄᓇᑖᖃᑕᐅᓯᒪᓂᕐᒧᑦ ᐊᑎᓕᐅᖅᓯᒪᒐᕕᑦ ᐃᓄᐃᑦ ᓄᓇᑖᖅᓯᒪᓂᕐᒧᑦ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ
  ᑐᓂᓯᓗᑎᑦ ᓇᓕᑐᐃᓐᓇᖏᓐᓂᑦ:
  • ᓄᑕᕋᐅᑉ ᐅᕝᕙᓘᓐᓃᑦ ᐊᖏᔫᖃᑉ ᐃᓄᐃᑦ ᓄᓇᑖᖅᓯᒪᓂᕐᒧᑦ ᓈᓴᐅᑎᖓᓂᑦ (ᓇᓗᓇᐃᖅᓯᔪᖅ ᓄᑕᕋᕐᒥᑦ ᐅᕝᕙᓘᓐᓃᑦ ᐊᖏᔪᖅᖄᒥᒃ ᓄᓇᑖᖃᑕᐅᓯᒪᖕᒪᑦ ᐃᓄᐃᑦ ᓄᓇᑖᖅᓯᒪᓂᖏᓐᓄᑦ)
    • ᖃᐅᔨᒪᔭᐅᓕ: ᓄᓇᑦᓯᐊᕗᒻᒥᑦ, ᓄᑕᖅᖃᐃᑦ ᐊᑎᓕᐅᖅᓯᒪᔭᕆᐊᖃᖅᑐᑦ ᓄᓇᑖᖃᑕᐅᓯᒪᓂᖏᓐᓄᑦ. ᑭᓯᐊᓂ, ᓄᑕᕋᓛᑦ ᐃᓅᓵᖅᓯᒪᔪᒥᑦ 18-ᓄᑦ ᑕᖅᕿᓖᑦ ᐊᔪᙱᑦᑐᑦ ᐊᖏᔪᖅᖄᖓ ᐊᑎᓕᐅᖅᓯᒪᒃᐸᑦ ᓄᓇᑕᖄᑕᐅᓯᒪᓂᕐᒧᑦ.
      
    ᐅᕝᕙᓘᓐᓃᑦ
  • ᑎᑎᖅᖃᒥᒃ ᓇᓗᓇᐃᖅᓯᔪᒥᒃ ᓄᑕᕋᖅ ᐊᖏᔪᖅᖄᕐᓘᓐᓃᑦ ᓄᓇᑖᖃᑕᐅᓯᒪᔫᖕᒪᑦ ᐃᓄᐃᑦ ᓄᓇᑖᖅᓯᒪᔪᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᑲᓇᑕᒥᑦ.
    ᐅᕝᕙᓘᓐᓃᑦ
  • ᓇᓗᓇᐃᒃᑯᑕᖅ ᐊᒻᒪᓗ ᐱᔪᖕᓇᖅᑎᑦᑎᓂᕐᒧᑦ ᑕᑕᑎᕆᐊᓕᒃ ᑕᑕᑎᖅᑕᐅᓯᒪᔪᖅ ᓄᓇᑖᖅᓯᒪᔪᑦ ᐊᐅᓚᑦᑎᔨᒋᔭᕐᓄᑦ ᑲᑐᔾᔨᖃᑎᒌᒋᔭᕐᓄᑦ (ᑐᓂᔭᐅᓗᓂ ᐊᕕᒃᑐᖅᓯᒪᔪᒥᑦ ᐱᒋᐊᕐᕕᐅᕝᕕᒋᔭᕐᓄᑦ)
• ᓯᓚᑖᓂᕐᒥᐅᑕᐅᒍᕕᑦ ᐃᓄᐃᑦ ᓄᓇᖓᓂᑦ, ᑐᓂᓯᔭᕆᐊᖃᕐᓂᐊᖅᑐᑎᑦ ᐅᑯᓂᙵᑦ:
  • ᓄᑕᕋᐅᑉ ᐅᕝᕙᓘᓐᓃᑦ ᐊᖏᔫᖃᑉ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐃᑲᔫᑏᓄᑦ (NIHB) N-ᓈᓴᐅᑎᒥᒃ. (ᖃᐅᔨᒋᐊᕐᓗᑎᑦ ᖃᓄᖅ ᐱᓂᐊᕐᒪᖔᕐᓂ N-ᓈᓴᐅᑏᑦ)
  • ᓄᓇᑦᓯᐊᕗᑦᒥᑦ, NIHB N-ᓈᓴᐅᑏᑦ ᓄᓇᑦᓯᐊᕗᑦ ᒐᕙᒪᒃᑯᓐᓂᑦ ᐊᐅᒃᑕᔫᖓᑦ ᐊᔾᔨᒋᔭᖓ N-ᓈᓴᐅᑎᐅᑉ.
• ᖃᐅᔨᒃᑲᓐᓂᕈᒪᒍᕕᑦ ᖃᓄᖅ ᐱᓂᐊᕐᓗᑎᑦ ᑐᑭᓯᐅᒪᔾᔪᑎᓂᒃ NIHB N-ᓈᓴᐅᑎᖕᓂᑦ ᓄᓇᑖᖃᑕᐅᓯᒪᔪᑦ ᐃᓄᐃᑦ ᓄᓇᑖᖅᓯᒪᔪᓄᑦ ᐊᖏᖃᑎᒌᒍᑎᓂᑦ ᑕᑯᓗᒍ ᐃᓚᒋᔭᐅᔪᖅ ᐃᓕᖕᓄᑦ ᐊᖅᑐᖅᑐᒥᑦ:
  • ᓄᓇᑖᖃᑕᐅᓯᒪᔪᑦ ᐃᓄᐃᑦ ᓄᓇᑖᖅᓯᒪᔪᓄᑦ ᐊᖏᖃᑎᒌᒍᑎ (ᓄᓇᕗᑦ)
  • ᐃᓄᕕᐊᓗᐃᑦ ᑭᖑᓪᓕᖅᐹᖅ ᐊᖏᖃᑎᒌᒍᑎ (ᓄᓇᑦᑎᐊᖅ)
  • ᓛᐳᕋᑐᐊᒥᑦ ᐃᓄᐃᑦ ᓄᓇᑖᖅᓯᒪᓂᕐᒧᑦ ᐊᖏᖃᑎᒌᒍᑎ (ᓄᓇᑦᓯᐊᕗᑦ)
  • ᔭᐃᒻᔅ ᐸᐃ ᐅᐊᖕᓇᖅᐸᓯᖕᒥᑦ ᑯᐸᐃᒃ ᐊᖏᖃᑎᒌᒍᑎ (ᓄᓇᕕᒃ)

2. ᑕᑕᑎᐊᓂᒃᓯᒪᔪᑦ ᑐᒃᓯᕋᐅᓯᐅᖅᑕᐅᔪᑦ ᑕᑕᑎᕆᐊᓖᑦ ᑐᒃᓯᕋᖅᑕᖕᓄᑦ (ᖃᐅᔨᒋᐊᕐᕕᒋᓗᑕ ᑐᒃᓯᕋᐅᓯᐅᕈᑎ ᑕᑕᑎᕆᐊᓕᖕᒥᑦ ᐱᓂᐊᕐᓗᑎᑐ)

1. ᑐᑭᓯᓐᓇᕐᓗᑎᑦ ᐅᖃᐅᓯᕆᓗᒋᑦ ᖃᓄᖅ ᑐᒃᓯᕋᖅᑕᐅᔪᖅ ᐊᑐᖅᑕᐅᓂᐊᖅᑐᖅ, ᐱᔨᑦᑎᕋᐅᑎ, ᐅᕝᕙᓘᓐᓃᑦ ᐃᑲᔪᖅᑕᐅᓂᕐᒧᑦ ᑎᑭᐅᑎᓯᒪᖕᒪᖔᑦ ᓄᑕᕋᐅᑉ ᐋᓐᓂᐊᖃᖅᑕᐃᓕᒪᓂᖓᓄᑦ, ᐃᓅᖃᑎᒌᒧᑦ, ᐅᕝᕙᓘᓐᓃᑦ ᐃᓕᓐᓂᐊᕐᓂᕐᒧᑦ ᐱᔭᕆᐊᖃᖅᑕᖏᓐᓄᑦ.
2. ᑐᓂᓯᓗᑎᑦ ᓇᓗᓇᐃᔭᖅᓯᒪᔪᓂᒃ ᐊᑭᐅᔪᑦ ᐊᕕᒃᑐᖅᓯᒪᓗᒋᑦ ᑐᒃᓯᕋᐅᑕᐅᔪᑦ ᐊᑐᖅᑕᐅᓂᐊᖅᑐᓄᑦ, ᐱᔨᑦᑎᕋᐅᑎᓄᑦ ᐃᑲᔪᐃᔪᓄᓪᓘᓐᓃᑦ.

3. ᑎᑎᖅᖃᐅᑏᑦ

1. ᑕᒪᕐᒥᓗᒃᑖᖅ ᑐᒃᓯᕋᐅᑕᐅᔪᓂᑦ ᐃᓚᐅᔭᕆᐊᖃᖅᑐᑦ ᑎᑎᖅᖃᒥᒃ ᐃᑲᔪᖅᑕᐅᓂᖓᓄᑦ ᑕᑯᒃᓴᐅᑎᑦᑎᔪᒥᒃ ᖃᓄᖅ ᑐᒃᓯᕋᖅᑕᐅᔪᖅ ᐊᑐᖅᑕᐅᔪᒪᔪᖅ, ᐱᔨᑦᑎᕋᐅᑎ ᐅᕝᕙᓘᓐᓃᑦ ᐃᑲᔪᐃᖅᑐᖅ ᐊᒃᑐᐊᓂᖃᕐᒪᑦ ᓄᑕᕋᕐᒧᑦ ᐊᑐᖅᑕᐅᙱᑦᑐᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ, ᐃᓅᖃᑎᒌᒧᑦ ᐅᕝᕙᓘᓐᓃᑦ ᐃᓕᓐᓂᐊᖅᑎᑦᑎᓂᕐᒧᑦ ᐱᔭᕆᐊᖃᖅᑕᖏᓐᓄᑦ.
2. ᐃᑲᔪᖅᑐᐃᔪᑦ ᑎᑎᖅᖃᐃᑦ ᐋᓐᓂᐊᕐᕕᖕᒥᑦ ᐋᓐᓂᐊᓯᐅᖅᑎᒥᙶᕆᐊᖃᖅᑐᑦ, ᐃᓕᓐᓂᐊᖅᑎᑦᑎᔨᒥᑦ, ᐃᓐᓇᕆᔭᐅᔪᒥᑦ ᐅᕝᕙᓘᓐᓃᑦ ᖃᐅᔨᒪᓂᕐᒥᑦ ᐱᓯᒪᔪᒥᒃ ᖃᐅᔨᒪᑉᓗᓂ ᓄᑕᕋᕐᒥᑦ ᐊᒻᒪᓗ ᓇᓗᓇᐃᕐᓗᒋ ᐱᔭᕆᐊᖃᖅᑕᖏᓐᓂᑦ.
3. ᖃᐅᔨᒪᓂᖃᖅᑐᑦ ᑐᓂᓯᔪᑦ ᑎᑎᖅᖃᒥᑦ ᐃᑲᔪᖅᑐᐃᔪᒥᑦ ᑕᐃᒪᓐᓇᐃᑦᑕᕆᐊᖃᖅᑐᑦ ᐊᑐᕐᓗᒋᑦ ᐱᓕᕆᐊᕆᖃᑦᑕᖅᑕᖏᑦ.
4. ᑐᒃᓯᕋᕈᕕᑦ ᑮᓇᐅᔭᖃᖅᑎᑕᐅᒃᑲᓐᓂᕈᒪᑉᓗᑎᑦ ᐅᐃᒍᒋᐊᕐᓂᐊᕐᓗᒋᑦ ᐱᔨᑦᑎᕋᐅᑏᑦ ᓄᑕᕋᕐᒧᑦ, ᓄᑖᙳᖅᑎᖅᓯᒪᔪᑦ ᑎᑎᖅᖃᐃᑦ ᐃᑲᔪᖅᑐᐃᔪᑦ ᐱᔭᐅᔭᕆᐊᖃᖅᑐᑦ ᐃᑲᔪᕐᓂᐊᕐᓗᓂ ᓄᑕᕋᐅᑉ ᐊᓯᐊᙳᖅᐸᓪᓕᐊᔪᑦ ᐱᔭᕆᐊᖃᖅᑕᖏᑦ ᐅᕝᕙᓘᓐᓃᑦ ᑕᑯᒃᓴᐅᑎᑦᑎᓗᑎᒃ ᐱᔭᕆᐊᖃᕐᓂᕐᒥᒃ ᐃᑲᔪᖅᑕᐅᖏᓐᓇᕐᓂᐊᕐᓗᓂ ᐅᕝᕙᓘᓐᓃᑦ ᐱᔨᑦᑎᕋᖅᑕᐅᖏᓐᓇᕐᓂᐊᕐᓗᓂ.
5. ᐃᓚᐅᑎᓪᓗᒋᑦ ᓱᓇᑐᐃᓐᓇᐃᑦ ᐊᑐᖅᑐᑦ ᖃᐅᔨᓴᐃᓃᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᖕᒪᑦ ᖃᐅᔨᔭᐅᓚᐅᖅᑐᑦ.
6. ᑐᒃᓯᕋᐅᑎ ᑕᑕᑎᖅᑕᐅᔪᒥᑦ ᐅᖃᖅᓯᒪᔭᕆᐊᖃᖅᑐᖅ ᓄᑕᕋᐅᑉ ᐊᑐᕆᐊᓕᖏᓐᓂᑦ ᐱᑕᖃᙱᑦᑐᓂᒃ ᐱᓂᐊᕐᓗᑎᒃ ᒐᕙᒪᒃᑯᓐᓂᑦ ᐱᔨᑦᑎᕋᐅᑎᓂᑦ, ᐅᕝᕙᓘᓐᓃᑦ ᕿᐱᓗᒃᑕᐅᓯᒪᑉᓗᓂ ᑕᐃᒪᐅᔪᓂᑦ ᒐᕙᒪᒃᑯᓐᓂᑦ ᐱᔨᑦᑎᕋᐅᑎᖏᓐᓂᑦ ᐃᓄᐃᑦ-ᖑᓂᖓᓄᑦ ᓄᑕᕋᖅ.

4. ᐊᖏᔪᖅᖄᒧᑦ ᐅᕝᕙᓘᓐᓃᑦ ᒥᐊᓂᖅᓯᔨᒧᑦ ᐊᖏᖅᑕᐅᔪᒥᒃ ᑐᓂᓯᒍᕕᑦ ᑐᒃᓯᕋᐅᓯᐅᖅᑕᐅᔪᒥᒃ ᐱᔾᔪᑎᑉᓗᒍ ᐊᖏᔪᖅᖄᖑᔪᖅ ᐅᕝᕙᓘᓐᓃᑦ ᒥᐊᓂᖅᓯᔨᐅᔪᖅ ᐃᓄᐃᑦ ᓄᑕᕋᕐᒧᑦ.

1. ᐊᓯᖏᑦ ᑎᑎᖅᖃᐅᑎᒃᑲᓐᓃᑦ ᐱᔭᐅᔭᕆᐊᖃᕐᓂᐊᖅᑐᒃᓴᐅᔪᑦ

ᐊᐱᖅᖁᑎᒃᓴᖃᕈᕕᑦ ᖃᓄᖅ ᑐᓂᓯᔭᕆᐊᖃᕐᓂᕐᒥᒃ ᑐᒃᓯᕋᐅᓯᐅᖅᑕᐅᔪᒥᒃ ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ-ᒥᑦ ᐱᔾᔪᑎᓕᖕᒧᑦ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᒍᕕᑦ ᑕᑕᑎᕆᓂᐊᕐᓗᑎᑦ ᑐᒃᓯᕋᐅᓯᐅᕈᑎᒥᑦ, ᖃᐅᔨᒋᐊᕐᕕᒋᓗᑕ.

6. ᒋᔭᖓ ᐱᓕᕆᐊᖃᕐᓂᐅᑉ. ᐱᓕᕆᐊᖑᓂᖏᑦ ᑐᒃᓯᕋᐅᑕᐅᔪᑦ

ᐊᕕᒃᑐᖅᓯᒪᔪᒥᑦ ᐱᒋᐊᕐᕕᐅᕝᕕᒋᔭᑎᑦ ᕿᒥᕐᕈᓂᐊᖅᑐᑦ ᐱᐊᓂᒃᓯᒪᔪᖅ ᑐᒃᓯᕋᐅᑎᒥᑦ. ᐃᓱᒪᓕᐊᖑᔪᖅ ᑎᑎᕋᖅᓯᒪᓗᓂ ᐃᓕᖕᓄᑦ ᐊᐅᓪᓚᖅᑎᑕᐅᓂᐊᖅᑐᖅ ᑐᒃᓯᕋᐅᓯᐅᖅᑕᐅᔪᖅ ᐱᓕᕆᐊᖑᐊᓂᒃᑎᓪᓗᒍ. ᑐᒃᓯᕋᐅᓯᐅᖅᑕᐃᑦ ᕿᐱᓗᒃᑕᐅᒃᐸᑦ, ᐱᒋᐊᖅᑎᑦᑎᔪᖕᓇᖅᑐᑎᑦ ᐆᒃᑐᒃᑲᓐᓂᕐᓂᐊᕐᓗᒍ ᖃᖓᒃᑯᑐᐃᓐᓇᖅ ᐊᑕᐅᓯᖅ ᐅᑭᐅᑉ ᐃᓗᐊᓂᑦ ᐅᑉᓗᕐᒥᑦ ᕿᐱᓗᒃᑕᐅᓚᐅᖅᑎᓪᓗᒍ ᑐᒃᓯᕋᖅᑕᐃᑦ.

ᑮᓇᐅᔭᖃᖅᑎᑦᑎᖃᑦᑕᖅᑐᑦ ᓈᒻᒪᒋᔭᐅᔪᓄᑦ ᑐᒃᓯᕋᐅᓯᐅᖅᑕᐅᔪᑦ ᓇᓕᑐᐃᓐᓇᖏᑦ ᒪᕐᕉᔫᒃ ᐊᑐᖅᑕᐅᑉᓗᑎᒃ:

1. ᑮᓇᐅᔭᖃᖅᑎᑦᑎᖃᑦᑕᖅᑐᒍᑦ ᐊᑐᖅᑕᐅᔪᓄᑦ, ᐱᔨᑦᑎᕋᐅᑎᓄᑦ ᐅᕝᕙᓘᓐᓃᑦ ᐃᑲᔪᖅᑐᓄᑦ ᓄᑕᕋᕐᒧᑦ ᓄᑕᖅᖃᓄᓪᓘᓐᓃᑦ ᐱᕝᕕᐅᔪᒧᑦ ᐅᕝᕙᓘᓐᓃᑦ ᐱᔨᑦᑎᕋᐃᔪᒧᑦ.
2. ᖃᑕᙳᑎᒌᑦ, ᒥᐊᓂᖅᓯᔨᐅᔪᑦ, ᓄᑕᕋᖅ ᐅᕝᕙᓘᓐᓃᑦ ᐱᔪᖕᓇᖅᑎᑕᐅᔪᖅ ᑭᒡᒐᖅᑐᐃᔪᖅ ᐊᑭᓖᕌᓂᓚᐅᖅᐸᑦ ᓈᒻᒪᒋᔭᐅᔪᒥᒃ ᐊᑐᖅᑕᐅᔪᒧᑦ, ᐱᔨᑦᑎᕋᐅᑎᒧᑦ ᐅᕝᕙᓘᓐᓃᑦ ᐃᑲᔪᖅᑐᒧᑦ, ᐅᑎᖅᑎᑦᑎᕝᕕᐅᓂᐊᖅᑐᑦ ᑮᓇᐅᔭᓂᒃ ᐊᑐᕐᓂᑯᓄᑦ.

7. ᒋᔭᖓ ᐱᓕᕆᐊᖃᕐᓂᐅᑉ. ᐅᑎᖅᑎᑦᑎᕝᕕᐅᓂᖅ ᑮᓇᐅᔭᓂᒃ

ᐊᑐᓂ ᓄᑕᖅᖃᐃᑦ ᖃᓄᐃᖓᓂᕆᔭᖏᑦ ᐊᔾᔨᐅᖏᑦᑑᔪᑦ. ᐱᔾᔪᑎᒋᑉᓗᒍ ᐱᒻᒪᕆᐅᔪᖅ ᓇᓗᓇᐃᕐᓂᐊᕐᓗᓂ ᐃᑲᔪᖅᑕᐅᒐᕕᑦ ᐊᕕᒃᑐᖅᓯᒪᔪᒥᑦ ᐱᒋᐊᕐᕕᒋᔭᕐᓄᑦ.

8. ᒋᔭᖓ ᐱᓕᕆᐊᖃᕐᓂᐅᑉ. ᖃᓄᖅ ᐆᒃᑐᒃᑲᓐᓂᕐᓂᐊᕐᓗᓂ ᐃᓱᒪᓕᐊᖑᓚᐅᖅᑐᓂᑦ

ᑐᒃᓯᕋᖅᑕᐅᔪᖅ ᕿᐱᓗᒃᑕᐅᒃᐸᑦ, ᐱᒋᐊᖅᑎᑦᑐᖕᓇᖅᑕᐃᑦ ᐆᒃᑐᒃᑲᓐᓂᕈᒪᒍᖕᓂᑦ ᖃᖓᒃᑯᑐᐃᓐᓇᖅ ᐊᑕᐅᓯᖅ ᐅᑭᐅᑉ ᐃᓗᐊᓂᑦ ᐅᑉᓗᕐᒥᑦ ᕿᐱᓗᒃᑕᐅᓚᐅᖅᑎᓪᓗᒍ ᑐᒃᓯᕋᖅᑕᐃᑦ. ᑕᐃᒪᓐᓇᐃᓐᓂᐊᕐᓗᑎᑦ, ᑎᑎᕋᖅᓯᒪᔪᒥᒃ ᑐᒃᓯᕋᓗᑎᑦ ᐊᕕᒃᑐᖅᓯᒪᔪᒥᑦ ᐱᒋᐊᕐᕕᐅᔪᒥᑦ, ᐃᓕᖕᓂᑦ ᐱᓕᕆᖃᑎᖃᕐᓂᐊᖅᑐᑦ ᐱᓕᕆᐊᖑᑎᓪᓗᒍ.

ᑕᒪᕐᒥᓗᒃᑖᖅ ᑐᒃᓯᕋᐅᑕᐅᔪᑦ ᐆᒃᑐᒃᑲᓐᓂᕐᓂᐊᕐᓗᑎᒃ ᐃᓗᓕᖃᕆᐊᖃᖅᑐᑦ, ᒥᑭᓛᒃᑯᑦ ᐅᑯᓂᙵᑦ:

• ᓄᑕᕋᐅᑉ ᐊᑎᖓ ᐊᒻᒪᓗ ᐅᑉᓗᕐᒥᑦ ᐃᓅᓕᕐᕕᖓ
• ᐊᑐᖅᑕᐅᔪᒪᔪᖅ ᐅᕝᕙᓘᓐᓃᑦ ᐱᔨᑦᑎᕋᐅᑎ ᑐᒃᓯᕋᖅᑕᐅᔪᖅ
• ᐅᑉᓗᕐᒥᑦ ᕿᐱᓗᒃᑕᐅᖕᒪᑦ

ᐱᔭᕆᐊᖃᙱᑦᑑᒐᓗᐊᑦ ᐱᒋᐊᖅᑎᑕᐅᓂᖓ ᐆᒃᑐᒃᑲᓐᓂᕐᓂᐊᕐᓗᓂ, ᐃᓚᐅᑎᑦᑐᖕᓇᕐᒥᔭᑎᑦ ᑐᑭᓯᐅᒪᔾᔪᑎᒃᑲᓃᑦ, ᓲᕐᓗ ᖃᐅᔨᒪᓂᖃᖅᑐᒧᑦ ᖃᐅᔨᓴᖅᑕᐅᓃᑦ, ᐅᕝᕙᓘᓐᓃᑦ ᑐᑭᓯᐅᒪᔾᔪᑏᑦ ᓇᐃᓈᖅᓯᒪᔪᑦ ᓄᑕᕋᕐᒧᑦ ᐱᓐᓂᑰᔪᓂᑦ ᐊᒻᒪᓗ ᐊᔾᔨᐅᖏᑦᑑᔪᑦ ᐱᔭᕆᐊᖃᖅᑕᖏᓐᓂᑦ.

ᕿᒥᕐᕈᖃᑦᑕᖅᑕᕗᑦ ᑐᒃᓯᕋᐅᑎᒋᔭᐅᔪᖅ 30 ᐃᖅᖃᓇᐃᔭᕐᓇᐃᑦ ᐅᑉᓗ ᐃᓗᐊᓂᑦ.

ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ

ᖃᐅᔨᑎᓪᓗᑕ ᓱᓇᑐᐃᓐᓇᓂᒃ ᐊᐱᖅᖁᑎᒃᓴᖃᕈᕕᑦ.

ᐅᕘᓇ ᑎᑎᕋᖅᐸᓪᓕᐊᔪᒃᑯᑦ ᖃᐅᔨᒋᐊᕐᕕᒋᔪᖕᓇᕐᒥᔭᑉᑎᒍᑦ: 1-866-553-0554.

ᖃᕆᓴᐅᔭᒃᑯᑦ ᐱᓗᒍ ᐃᓄᐃᑦ ᓄᑕᖅᖃᖏᑦ ᓯᕗᓪᓕᖅᐸᐅᑎᔭᐅᓗᑎᒃ ᐱᓕᕆᐊᒃᓴᖅ-ᒥᑦ ᐱᔾᔪᑎᖃᖅᑐᑦ ᓴᓂᕋᕐᒧᐊᖅᑐᒃᓴᐃᑦ